Máis de setenta adegas en covas, o segredo mellor gardado de Larouco

As covas e adegas de Seadur, no concello ourensán de Larouco,  foron declaradas recentemente Ben de interese Cultural. Son máis de setenta, todas diferentes e situadas unha a carón doutra nunha rúa de apenas un quilómetro. A súa singulariedade radica en que todas elas foron construídas a man hai décadas, excavadas na rocha. Hai xa vinte anos decidiron recuperalas e dalas a coñecer nunha festa que cada ano congrega centos de persoas de toda Galicia.