Máis de 500 seareiros viaxarán a Talavera para apoiar o Racing
Para ascender, o Racing precisa gañar e que non o faga o Alcorcón
Semana de máxima expectación en Ferrol. Hai opcións de que o Racing veña de Talavera co ascenso logrado. Máis de 500 seareiros viaxarán para apoiar os de Parralo.
Xuntos arredor dun café, Bea, Enrique e Iago planifican, como varios centos de racinguistas esta semana, a súa viaxe a Talavera. O Concello pon oito autocares. Ferrol mobilízase polo ascenso. E quere que sexa este sábado, por aquilo de non xogar con lume.
O Racing precisa gañar e que non o faga o Alcorcón. Os afeccionados cren neste equipo. Entenden, como di a pancarta que fixeron , que chegou a hora de volver á Segunda.
O que non hai quen lles quite é esa ilusión de volver poñer a bandeira verde do Rácing no fútbol profesional
.jpeg)
