Máis de 14.000 peregrinos fixeron o Camiño esta Semana Santa

O bo tempo nesta Semana Santa tamén animou a facer o Camiño e o balance de Compostelas seladas entre o 1 de abril e este pasado domingo así o acredita. Só desde o comezo de mes ata esta pasada fin de semana chegaran máis de once mil peregrinos a Santiago, aos que se suman os preto de cinco mil no sábado e no domingo de Pascua. Unha cifra que eleva a 30.000 os chegados este ano. 

Os peregrinos que durante estes nove días chegaron a Galicia supoñen o 85 % de todos os que selaron a Compostela os tres primeiros meses do ano e superan tanto os do primeiro trimestre de 2022 como os do primeiro trimestre do 2021 pospandémico. En concreto, son un 132 % máis ca os chegados na Semana Santa do ano pasado. 

Por rutas xacobeas, o Camiño Francés foi o máis transitado estes días, con 7.300 camiñantes, seguido polo Portugués, cuns tres mil. E en canto á procedencia, case o 59 % eran españois, e o restante 42 % estranxeiros, sobre todo italianos e ingleses. E a motivación relixiosa é a principal para o 28 % deles.

Considerado o arranque da temporada alta en Galicia, especialmente no Camiño, estas cifras fan augurar que 2023 pode ser un ano de datos históricos para o sector.