Noite abafante a máis de 28 graos en varios concellos da Coruña e Pontevedra
Vimianzo foi o concello que rexistrou a maior temperatura, co 29 graos de máxima, ás 04:40 horas
Esta noite espéranse tamén altas temperaturas nos termómetros en toda Galicia
Amencer nas Cíes (MeteoGalicia)
Durante esta madrugada varios concellos das provincias da Coruña e Pontevedra superaron os 28 graos de máxima.
Vimianzo foi o concello que rexistrou a maior temperatura, co 29 graos de máxima na estación da Gándara, ás 04:40 horas.
Os outros municipios coruñeses que rexistraron máximas considerábeis foron Cedeira, con 28.8 graos en Punta Candieira, ás 08.30 horas, e Carnota que contou con 28.6 graos na estación de Lira, ás 03:40.
En Pontevedra, Tui foi o concello coa maior temperatura rexistrada nesta noitiña, 28.9 graos na estación de Monte Aloia ás 02:10 horas. Seguido do municipio das Neves, que na estación de San Nomedio asentou 28.4 graos ás 08.40 horas.
Esta noite espéranse tamén altas temperaturas nos termómetros en toda Galicia, pero sobre todo nas provincias da Coruña e Pontevedra.
