Luismi: "É un club histórico e é un paso diante na miña carreira"
O atacante recoñece a boa rivalidade nas bandas, onde pugnará polo posto con David Mella e Yeremay
Luismi Cruz recoñeceu que hai unha bonita competencia no Deportivo e admitiu que en canto chegou a chamada do club branquiazul, ao concluír o curso, non tivo dúbidas.
"Fíxome moita ilusión que se puxesen en contacto comigo. É un club histórico e é un paso diante na miña carreira".
Declarou que aínda é moi pronto para pensar no ascenso.
"Para iso queda moito, estamos a empezar a pretemporada (risas). O importante é traballar ben e facer unha boa piña. Iremos partido a partido e o futuro deparará o que pasa", aclarou.
Sobre a súa posición predilecta, foi claro.
"Onde o míster decida. Nos últimos tempos estou habituado a xogar máis na banda dereita e na mediapunta. Hai rivalidade, pero levámonos todos moi ben"
