Lucas Pérez promete a celebración dun gol para os "enxogueiros"

Case dúas horas distendidas estivo Lucas Pérez no En xogo comentando a xornada futbolística. Deixou moitos momentos simpáticos comentando dun xeito desenfadado o que foi o seu regreso ao Deportivo, o acontecido con Lucho no partido contra o Majadahonda, a relación co Celta e os seus desexos de permanencia para o club vigués. Ofreceuse para ser xornalista no vindeiro partido do Deportivo xuvenil e mesmo prometeu celebrar cun X para os "enxogueiros" o vindeiro gol que marque coa camisola do cadro coruñés.