Publicador de contidos

Publicador de contidos

Loito oficial en Vilanova del Camí pola última vítima mortal da violencia machista

Loito oficial en Vilanova del Camí pola última vítima mortal da violencia machista

A muller morreu nun centro hospitalario como consecuencias da gravidade das feridas

G24.gal 16/04/2022 09:02 Última actualización 15:00 16/04/2022

O home de 42 anos acusado de matar a súa parella en Vilanova del Camí (Barcelona) pasará a disposición xudicial nas próximas horas. As forzas de seguridade toparan a vítima ferida de gravidade no seu domicilio pero, pouco despois, morreu nun centro hospitalario.

A División de Investigación Criminal da Rexión Policial Central dos Mossos d'Esquadra abriu unha investigación para determinar as circunstancias do crime.

A Consellería de Igualdade e Feminismos da Generalitat activou o Servizo de Intervención en Crise (SIC) polo presunto "feminicidio" e pediu que se garanta o máximo respecto á privacidade da familia e do seu círculo.

Pola súa banda, o Concello de Vilanova del Camí condenou o crime e reiterou o seu compromiso e apoio a todas as vítimas da violencia machista, polo que convocou unha concentración de protesta fronte á sede do consistorio para este sábado ás 12:00 horas.

O Concello tamén decretou un día de loito oficial, polo que as bandeiras do consistorio ondearán a media hasta. De confirmárense oficialmente que se trata dun crime machista, sería a vítima número 11 en España do ano 2022 e a 1.137 desde 2003.

Publicidade
Publicidade
Publicidade
Publicidade