Localizan un corpo aboiando preto do porto de Vigo
Debido ao estado de descomposición do corpo, descoñécense as circunstancias de que puido ocorrerlle a esta persoa, á espera da autopsia
O corpo apareceu entre a zona de Beiramar e O Berbés (TVG)
Os servizos de emerxencias recuperaron este luns un cadáver que apareceu aboiando fronte ao Auditorio Mar de Vigo, segundo confirmou o 112 Galicia.
En concreto, a Central de Emerxencias recibiu o aviso da Autoridade Portuaria minutos antes das 17.00 horas a través dunha chamada na que informaba da aparición deste corpo entre a zona de Beiramar e O Berbés.
Deste xeito, alertouse á Policía Nacional, á Policía Local, Gardacostas, Garda Civil e aos bombeiros. Con todo, fontes policiais apuntaron que, debido ao estado de descomposición do corpo, descoñécense por agora as circunstancias de que puido ocorrerlle a esta persoa, á espera de realizarse a autopsia.
