Localizan mortos a un garda civil, a súa muller e o seu fillo en Alacante
Os tres corpos presentaban impactos por arma de fogo
Aconteceu nunha vivenda da comandancia da localidade de Dolores, no que desempeñaba o seu traballo o garda civil
O Concello decretou tres días de loito oficial e a suspensión de todas as actividades festivas programadas
Comandancia da Garda Civil na localidade alacantina de Dolores, onde aconteceron os feitos
Os corpos sen vida dun axente da Garda Civil, a súa muller e o seu fillo foron achados con impactos por arma de fogo nunha vivenda do posto da localidade de Dolores (Alacante), no que desempeñaba o seu traballo o garda civil.
Segundo informaron fontes da Garda Civil a EFE, o achado produciuse nunha das vivendas desa infraestrutura na que residía a familia.
Desde a Garda Civil sinalaron que se están investigando os feitos e aínda non se pode facilitar mais información ao respecto.
Segundo as fontes, que aseguran que non existían antecedentes por violencia de xénero, o garda civil tiña 55 anos e o seu fillo 20 anos, mentres que non se facilitou a idade da muller.
Desde o Concello de Dolores decretáronse tres días de loito oficial e a suspensión de todas as actividades festivas programadas ante "os terribles feitos ocorridos hoxe no municipio".
