Localizado en bo estado de saúde o peregrino croata desaparecido en León
Unha patrulla atopouno nunha vía pública da localidade de Pereje, no termo municipal de Trabadelo, León
A Garda Civil localizou sobre as tres e media da tarde deste domingo ao peregrino de 42 anos de nacionalidade croata desaparecido este sábado mentres facía o Camiño de Santiago.
A Subdelegación do Goberno informou que unha patrulla do posto de Villafranca del Bierzo atopouno en bo estado de saúde, nunha vía pública da localidade de Pereje, no termo municipal de Trabadelo, León.
A Garda Civil iniciou onte un dispositivo de procura tras unha chamada da súa esposa alertando da súa desaparición cando debía de realizar a etapa do Camino de Santiago entre as localidades de Astorga e a Cruz do Ferro en Foncebadón, León, momento no que a familia non volveu ter noticias súas.
No operativo de procura participaron patrullas de seguridade cidadá.
