José González: "Queremos evitar as baixas e a súa prolongación innecesaria"

A Xunta porá en marcha un plan en 2027 para axilizar as incapacidades temporais. Conta cun presuposto de 45 millóns de euros e consta de 37 medidas que se irán implementando durante os próximos tres anos.

Delas, 23  son para mellorar a prevención e evitar as baixas na medida do posible.

"A mellor baixa é a que non se produce", indicou nunha entrevista no Bos días o conselleiro de Emprego. José González, sinala que o obxectivo é evitar a "prolongacion inncesaria das baixas co criterio clínico dos facultativos.

Créase a figura do acompañante e o Sergas terá acceso ao historial laboral do traballador

O plan inclúe varias medidas innovadoras, como a creación da figura do acompañante, que estará a carón do traballador cando regrese ao seu posto. Unha figura inexistente en España pero que xa existe en varios países europeos e que tentará adaptar o posto de traballo e as tarefas diarias para que a incorporación laboral sexa mellor.

Ademais, sempre que o traballador o autorice, o Sergas terá acceso ao historial laboral do traballador para ter mellor coñecemento do posto de traballo á hora de decidir se este debe continuar ou non de baixa.

As medidas comezarán a implantarse en 2027 e estenderanse durante os próximos tres anos.