Jessica Bouzas convocada con España para as finais da Billie Jean King Cup

Jessica Bouzas xa é unha das fixas nas convocatorias de España para a Billie Jean King Cup. Desta quenda, a vilagarciá afronta a fase final do torneo internacional que se vai disputar na China. O equipo nacional complétano Paula Badosa, Cristina Bucsa, Leyre Romero, Aliona Bolsova e a capitá Carla Suárez. 

Este mércores enfróntanse a Ucraína nos cuartos de final e no caso de avanzar ás semifinais, mediríanse a China, anfitrioa do torneo, ou a Italia, actual campioa.