Javi Rueda renova co Celta ata 2029
Suma 442 minutos en Liga ao longo de oito partidos nos que marcou un gol e deu unha asistencia
O futbolista malagueño converteuse nun dos xogadores máis importantes para Claudio Giráldez, ampliará o seu contrato cos vigueses ata o 30 de xuño de 2029.
Coa vitoria en Álava o club considera que esta semana, a pesar da viaxe que fará o equipo este mércores a Bulgaria para xogar a quinta xornada da Europa League ante o Ludogorets, é a ideal para facer pública a renovación do defensa nado hai 23 anos en Alozaina.
Suma 442 minutos en Liga ao longo de oito partidos nos que marcou un gol e deu unha asistencia. En Europa League disputou tres encontros máis, un total de 135 minutos cunha asistencia
A súa ampliación de contrato referenda a confianza do club nas súas posibilidades, e permitirá ao Celta contar cun xogador no carril dereito para os próximos anos, tras a máis que probable marcha de Mingueza a finais de curso.
