Jairo Noriega, primeiro reforzo do Deportivo

Jairo Noriega regresa ao R. C. Deportivo logo dunha exitosa temporada no Ourense C. F. de Primera Federación. Firma ata 2028, con opción a unha temporada máis.

Formado na canteira deportivista desde benxamíns na mesma xeración que Dani Barcia, este centrocampista ofensivo xogou 29 partidos esta pasada temporada (2024-25) no Ourense C. F., marcou 2 goles e deu 3 asistencias; ademais de disputar 4 partidos na Copa do Rei, con 2 goles e 1 asistencia.

En Segunda Federación co Fabril (temporada 2023-24) disputou 26 partidos, con 2 goles e 2 asistencias.

Debutou co primeiro equipo o 1 de novembro de 2023, con motivo do partido de Copa do Rei entre o Deportivo e o CD Covadonga disputado en Langreo.

No currículo de Jairo Noriega tamén figuran dous partidos co Xuvenil A na Youth League (temporada 2021-22), ante o Maccabi Haifa e o Dinamo de Kiev, ambos en ABANCA-RIAZOR.