Jailson, "feliz" por estar no Celta e en boa forma tras pasar "anos difíciles"
A maior parte da súa carreira deportiva xogou como mediocentro, pero ofreceuse a actuar de central
O centrocampista brasileiro Jailson Marques, primeiro reforzo invernal do RC Celta, non escondeu este venres a súa ilusión por dar o salto ao fútbol español, e confesou non dubidar en aceptar a oferta do conxunto galego ao recibir a chamada do adestrador Rafa Benítez.
"Estou moi feliz de estar aquí. Foi unha decisión moi fácil porque veño a un club centenario e vou ter a oportunidade de xogar en LaLiga", confesou en rolda de prensa o exfutbolista do Palmeiras.
Jailson recoñeceu que os últimos anos foron "un pouco difíciles" para el porque non tivo a continuidade que desexaría polas lesións, pero neste último mes preparouse moito para chegar ben ao Celta, con Benítez de técnico, quen xa o dirixiu na súa etapa no Dalian Prol de China.
"Atópome ben fisicamente, só necesito coñecer a forma de xogar da liga española”, comentou o mediocentro, que deixou en mans de Benítez o seu posible debut no partido de Copa do Rei ante o Amorebieta.
Confirmou que a maior parte da súa carreira deportiva xogou como mediocentro, pero ofreceuse a actuar de central se así o necesita o equipo.
"Non é unha posición nova para min".
Pola súa banda, o novo director deportivo do Celta, Marco Garcés, mostrou a súa alegría pola incorporación dun futbolista que, ao seu xuízo, necesitaba o persoal polas súas características.
