Investigan un veciño das Pontes acusado de provocar un lume ao queimar restrollos

A Garda Civil investiga un veciño das Pontes como sospeitoso de provocar un incendio forestal mentres queimaba restrollos neste municipio o día 22 de agosto, nunha zona da parroquia do Freixo.

Segundo informa a Benemérita nun comunicado, o home prendeu o lume "de xeito intencionado" co obxectivo de eliminar maleza, rexenerar os pastos e escorrentar "os depredadores do gando existente na zona".

Tras analizar a documentación recollida no lugar dos feitos, a Garda Civil logrou identificar o agora investigado como suposto autor dun delito de incendio forestal.