Investigan en Ourense un intento de roubo polo método da 'alunizaxe'

A Policía Nacional de Ourense investiga e anda tras a pista dos autores dunha 'alunizaxe' nunha coñecida tenda de produtos tecnolóxicos. Ocorreu esta mesma madrugada no centro da cidade de Ourense.

Esnaquizado, así quedou o cristal da porta deste coñecida tenda de tecnoloxía tras o intento de roubo co método da 'alunizaxe' en pleno centro da cidade de Ourense. Ocorreu esta madrugada. O ruído do impacto do coche escoitouse no edificio lindeiro. 

"Nós estabamos vendo a televisión arriba no quinto e escoitamos dous golpes bastante fortes". Asomámonos ao balcón e xa vemos un coche escapando e detrás del a Policía", conta un veciño que presenciou os feitos desde a súa casa cntra a unha, unha e cuarto da madrugada. 

Os empregados da tenda souberon do corrido esta mañá. Segundo nos contou un veciño que viu os feitos, os ladróns non conseguiron entrar na tenda porque xusto coincidiu que pasaba a Policía e tiveron que escapar sen levar nada. 

"Eles non lograron entrar, iso está claro, porque xa escaparon antes da Policía", asegura o veciño.

Os veciños da céntrica rúa Curros Enríquez ían sorprendéndose pola mañá do ocorrido. 

A Policía Nacional está investigando agora os feitos e as fontes policiais oficiais non confirman por agora se se produciu a detención dos autores da 'alunizaxe'.