Investigan a morte de tres persoas nas últimas horas en Carballo, Carral e Vilagarcía
Investigan a morte de tres persoas nas últimas horas en Carballo, Carral e Vilagarcía
O cadáver atopado nunha praia de Vilaxoán é da veciña de Vilagarcía que levaba desaparecida desde este martes
En Carballo un técnico do 061 faleceu mentres pescaba
En Carral atoparon o cadáver dunha muller nun regato
O cadáver da muller desaparecida foi atopado nun areal a carón dunha antiga conserveira de Vilaxoán
O cadáver da muller de 63 anos desaparecida desde o martes en Vilagarcía de Arousa foi localizado no mediodía deste mércores flotando na beira dunha praia de Vilaxoán, localidade na que residía. O achado produciuse ás 15:30 horas nun areal situado nas inmediacións dunha antiga conserveira, segundo trasladaron fontes próximas ao caso, que confirman que a identidade da falecida corresponde á muller que se buscaba desde o martes.
En Carballo Un home foi atopado morto na praia da Pedra do Sal. Segundo informa o 112 Galicia, ás 15:10 horas recibiuse aviso dun particular de que había un corpo aboiando na auga, aínda que finalmente foi recuperado da area polos servizos de emerxencias. Así, foron avisados Urxencias Sanitarias de Galicia-061, Salvamento Marítimo, Gardacostas, Garda Civil e Protección Civil de Carballo.
Fontes próximas á investigación informan de que a morte apunta a un afogamento aínda que haberá que esperar á autopsia para determinar a causa. O forense ordenou o levantamento do cadáver.
🔴 #AXEGAInforma da localización do corpo sen vida dunha muller nun regato en Carral.
— 112Galicia (@112Galicia) May 8, 2024
📍 Lugar de Taramuño, Vigo.
➡️ Un veciño informou ao #112Galicia pasadas as 17 horas.
🚨 Urxencias Sanitarias de Galicia-061, @guardiacivil, Policía Local e Protección Civil de Carral. pic.twitter.com/8b4TkBzzBM
Praia da Pedra do Sal
E en Carral, o corpo sen vida dunha muller foi localizado xunto a un regato. Minutos despois das 17:00 horas, unha veciña deu a voz de alarma tras atoparse co cadáver nas inmediacións dun pequeno río situado en lugar de Taramuño, na parroquia de Vigo.
Ata o lugar mobilizáronse Urxencias Sanitarias e o forense, que certificaron o falecemento da muller, segundo trasladaron fontes próximas ao caso. Ao cadáver, que non presenta signos de violencia, practicaráselle a autopsia no Complexo Hospitalario Universitario da Coruña.
A muller que faleceu en Carral foi localizada preto dun regato
