Investigan a explosión dun coche de madrugada na estrada que une Verín con Portugal

A Garda Civil investiga as causas da explosión dun vehículo esta madrugada no municipio ourensán de Verín.

 Ata o lugar desprazáronse efectivos do equipo da desactivación de explosivos de Pontevedra para analizar o coche a fin de poder determinar as causas do estoupido. O Instituto Armado non descarta ningunha hipótese en relación coa deflagración.

Os feitos producíronse de madrugada na rotonda de Queizás na N-532, que comunica a localidade ourensá coa fronteira con Portugal.