Investigan a desaparición dunha muller dunha residencia de maiores de Carballo

Segundo fontes do 112 consultadas por Europa Press, a central de emerxencias recibiu o aviso da falta desta muller, de 79 anos, o pasado día 7 de novembro pouco antes das 14:00 horas.

Ademais, a Asociación de Veciños de Novo Mesoiro comunicou que se solicitou a súa colaboración para tratar de localizala, xa que se estuda a posibilidade de que puidese visitar unha amiga residente neste barrio coruñés.

Así, pediu aos veciños que estean atentos e que, se alguén a viu ou pode achegar calquera información, o comunique nos teléfonos 981 70 40 65 (ext. 1515108 / 1515030) ou 062.