Investigan a aparición de milleiros de troitas mortas no río Asneiros, en Dozón

Un pescador alertou da presenza dos peixes mortos o sábado pasado no treito do río Asneiro entre a Tosta de Mularedo e Pozo Negro. Calculan que morreron milleiros de troitas."Troitas eu creo que milleiros porque onte viñeron os axentes a collelas e nun tramo de 300 ou 400 metros traían unhas 300 ou 400", di José Rodríguez, presidente da Sociedade de Caza e Pesca de Dozón.

Descoñécense as causas, pero non se descarta que poida tratarse dun feito intencionado."Non hai prados nin xeito de acceder e non se ve ningún tipo de vertedura. Hai que ser prudentes, a ver que din os axentes, pero todo apunta a que foi algo intencionado para a venda ilegal ou a saber para que"

A hipótese deberá ser confirmada ou descartada polas análises que realizaron no lugar dos feitos. O que si está claro é da gravidade dos danos."Isto é de pena porque vir andando polo río e ver centos de troitas mortas en todas as esquinas é unha pena"

Contan con que a zona afectada tarde anos en recuperarse.