Investigan o dono dun local de produtos agrícolas pola venda de marihuana e haxix
A Garda Civil acusa de tráfico de drogas o propietario do local, situado en Caldas de Reis
Os axentes requisan 118 envases, cun peso aproximado de 1,45 quilos
Substancias estupefacientes retidas pola Garda Civil
A Patrulla de Fiscal e Fronteiras da Garda Civil de Vilagarcía de Arousa abriu unha investigación a un home de 38 anos, propietario dun local de produtos agrícolas e fitosanitarios en Caldas de Reis, por ter á venda nun expositor substancias estupefacientes como marihuana e haxix.
Segundo detallou o Instituto Armado, os axentes realizaron a inspección no establecemento o pasado 28 de outubro. Durante a mesma, a Garda Civil localizou estas substancias (sumidades floridas e haxix) envasadas e dispostas á venda ao público en tres vitrinas que se atopaban nas inmediacións da entrada do comercio.
Por ende, os axentes procederon á aprehensión destes compoñentes, que non poderían ser obxecto de produción, fabricación, tráfico, posesión ou uso, salvo para fins médicos ou científicos por ser consideradas como drogas.
En total, os oficiais confiscaron 118 envases, cun peso aproximado de 1,45 quilos (1,1 kg de marihuana e 378 gramos de haxix)
