Interceptan máis de 1.200 quilos de cocaína ocultos nun cargamento de cocos en Sevilla

Dúas persoas foron detidas nunha operación conxunta da Garda Civil e a Axencia Tributaria contra o tráfico de drogas. Foron interceptados máis de 1.200 quilos de cocaína ocultos nun cargamento de cocos. A droga estaba agochada no fondo do remolque dun camión. O alixo foi interceptado xusto cando se ía realizar a entrega. Os axentes comisaron diñeiro en efectivo e varios dispositivos electrónicos. 

A operación iniciouse en decembro do ano pasado, cando os investigadores detectaron unha empresa localizada en Dos Hermanas (Sevilla) que parecía estar a ser utilizada para introducir drogas en España. Tras identificar un contedor marítimo que resultaba sospeitoso, os axentes estableceron un estreito dispositivo de seguimento.

Interceptaron a mercancía xusto no momento da recepción, evitando así a distribución dun grande alixo de droga e asestando un importante golpe ás redes de narcotráfico. A investigación continúa aberta e non se descartan novas detencións.