Un incendio no aparcadoiro subterráneo do Orzán deixa varios vehículos calcinados

Os bombeiros da Coruña conseguen controlar o incendio que se declarou no aparcadoiro subterráneo do Orzán, na Coruña.

Crese que o lume puido afectar uns catro vehículos ademais de producir danos materiais no aparcadoiro. Pero, en todo caso, o incendio dáse por controlado e non produciu, en principio, danos persoais.

A gran cantidade de fume obrigou a evacuar a zona e provocou tamén retencións no tráfico.

Polo de agora descoñécense as causas do incendio.

No lugar están ademais efectivos da Policía Local.