Idiakez avisa de que a choiva de eloxios non van descentrar o equipo
O técnico do Deportivo foi sancionado con dous partidos de suspensión tras a expulsión ante o Lugo
A Imanol Idiakez séguelle doendo a tarxeta vermella que recibiu o pasado domingo en Riazor. Sancionado con dous partidos de suspensión, non poderá dirixir o Deportivo nin o domingo (12:00 horas) en Tarragona nin tampouco a semana que vén ante o Sabadell.
Idiakez, feliz pola espléndida serie de sete vitorias consecutivas do equipo coruñés, avisa de que a choiva de eloxios non van descentrar o equipo.
"Estamos cos pés no chan. Temos un vestiario maduro. Gozamos desta boa serie".
"Temos confianza pero sabemos que o fútbol cambia. O que fixeches non vale".
"O domingo partimos de cero. Será un partido de moitísima igualdade".
Por primeira vez esta tempada, o Deportivo pon en xogo o liderado despois de golear o Lugo hai uns días. Vaino facer no duelo máis complicado que podía ofrecerlle agora mesmo a clasificación, enfrontándose ao segundo, que ten un punto menos.
