Ian Mackay pecha as súas redes sociais tras recibir insultos e ameazas

Ian Mackay abandonou as redes sociais despois de recibir unha cantidade excesiva de insultos e ameazas pola súa actuación no Castellón-Deportivo deste domingo. O veterano porteiro coruñés, capitán e heroe en moitas tardes de fútbol durante os dous anos, foi o branco dunha crítica que se cebou con el.

Tanto que chegou a ser tendencia en Twitter e esta mañá as súas redes sociais xa non aparecen. O gardameta do Ventorrilo converteuse no punto de mira de moitos afeccionados que descargaron o seu odio cara a el pola expulsión que marcou o final en Castalia. Os seus compañeiros xa saíron a defendelo publicamente. Tamén o adestrador Rubén de la Barrera:

Volvería una y millones de veces más, a no ascender con este equipo! Gracias eternas por lo que me habéis hecho sentir en este último mes! Resultado jodido, pero por encima de todo, las PERSONAS. Y con PERSONAS como TÚ, a dónde haga falta. Abrazo infinito a ti, y toda tu familia pic.twitter.com/w4oJ3rmFWR

— Rubén de la Barrera (@rubibarrerafdz) June 12, 2023

A Ian Mackay quédalle mínimo un ano de contrato. Renovou recentemente ata 2024 e todos o celebraron. Os seus números están aí: 16 porterías a cero esta tempada e salvador en moitos días importantes. 

Mackay tamén recibiu o apoio de Unai Núñez desde a selección: 

Unai: "Sufrimos moito acoso e estamos expostos. Creo que por ser personaxes públicos non dá dereito a escoitar os comentarios"