Hugo Rama: "Se non se confiou en min, foi cousa do míster, non do club"

"Non é sorpresa para ninguén que non é unha tempada fácil para min. Atópome ben, con forzas para seguir, sobre todo co apoio do club e dos meus compañeiros. O máis importante é ter o apoio e cando saio, a facelo coas mellores sensacións que poida e coas ganas posibles", indicou Hugo Rama.

O centrocampista de Oroso finaliza o seu contrato o próximo 30 de xuño e, tendo en conta a súa pouca participación no equipo, case testemuñal, o normal é que no verán cambie de destino, a pesar de que subliña unha e outra vez que "estou onde quero estar" e xogar no Dépor é un soño para el. Hugo Rama sempre notou o apoio do club.

"Sinceramente, en ningún momento non me foron sinceros. Sinto o apoio do club, de calquera membro das altas esferas. En ningún momento non me sentín apoiado, senón todo o contrario. Se non se confiou en min, foi cousa do míster,  non do club".

Tamén se referiu ao seu rendemento en toda a temporada.

"A sensación agridoce é que creo que podía facer moito máis do que fixen, pero creo que non tiven todas as oportunidades que cría que podía ter e cada vez que saio ao campo é estar coa camiseta que sempre desexei xogar e estou motivado e feliz por poder disputar polo menos uns minutos en cada partido".

A conferencia de prensa de Hugo Rama soou a despedida.