Hugo Mallo volve adestrarse co grupo

Hugo Mallo leva parado desde finais de outubro, cando as probas médicas revelaron unha rotura de primeiro grao no bíceps femoral da perna dereita.

O capitán do Celta recibiu a alta médica o 28 de novembro, cando o equipo vigués volveu ao traballo despois de dúas semanas de vacacións, pero no período que os celestes acumulan de pretemporada invernal (20 días), case sempre estivera á marxe.

Onte, como anticipou Carlos Carvalhal, o lateral dereito volveu traballar co grupo o que en teoría significa que xa está dispoñible. Mallo ten unha semana por diante para apurar a súa posta a piques de cara ao partido de Copa do Rei en Gernika e dous antes de recibir ao Sevilla en Balaídos na volta ligueira prevista para o 30 de decembro.