Guillén lamenta a imaxe que deu a Volta cuns feitos "inaceptables"
Segundo explicou, "podiamos convivir as manifestacións e o deporte"
Javier Guillén, director da Volta, lamentou "a imaxe que ofreceu a Volta" coa cancelación da última etapa polas invasións da calzada e incidentes por parte dos manifestantes propalestinos.
"Quéixome e condeno o ocorrido en ultíma etapa da Volta. As imaxes falan por si soas. É inaceptable o que ocorreu, especialmente no circuíto. Non se saca nada bo do que ocorreu. Lamento a imaxe que se deu, e iso non me pode repetir", dixo Guillén.
Segundo explicou Guillén, "podiamos convivir as manifestacións e o deporte":
"Sabiamos que era un día complicado. Vimos que se producían incidentes, primeiro en San Sebastián de los Reyes e Alcobendas, e no circuíto xa había invasión da calzada. Situación moi difícil, tratamos de poñer solucións, pero a 3 km de meta outra invasión de calzada produciu caídas dos ciclistas e decidimos cancelar a etapa".
