Grecia obrigará a vacinarse os maiores de 60 anos e prevense multas de 100 euros ao mes para os incumpridores

O primeiro ministro grego anunciou este martes que os maiores de 60 anos deberán vacinarse contra a covid-19.

A partir desa idade a vacinación será obrigatoria desde mediados de xaneiro. En caso de que non o fagan, serán multados con 100 euros mensuais ata que se vacinen.

Os cartos recadados irán a un fondo especial para financiar hospitais públicos. Máis de medio millón de gregos maiores de 60 anos están sen vacinar e a maioría dos hospitalizados son persoas maiores.