Graña, Fontán e Sieiro penduran a medalla de ouro no C4 500

Na final do C4 500 os galegos Graña, Sieiro e Fontán, xunto con Moreno, gañaron a medalla de ouro tras dominar a proba de principio a fin. A embarcación proclamouse campioa do mundo ao superar a Polonia e Ucraína. 

Na final do C2 1000 metros os irmáns Noel e Diego Domínguez realizaron unha brillante actuación e quedaron ás portas da medalla. O cuarto posto para unha das parellas máis novas do circuíto é unha gran presentación. Por diante Alemaña e China pelexaron polo ouro, que levou o conxunto europeo. O Canadá acadou o bronce con menos de dous segundos de vantaxe sobre os irmáns Domínguez.