Giráldez: "Sería un erro meternos unha presión que non nos toca"
O adestrador do Celta asume que superar a primeira fase da liga Europea será “un reto”
Claudio Giráldez, adestrador do Celta, asume que superar a primeira fase da liga Europea será “un reto” para o seu equipo, que recibirá a Lille, Niza, Bolonia e PAOK en Balaídos e terá que visitar a Dínamo de Zagreb, Estrela Vermella, Ludogorets e Stuttgart.
“Vendo todos os equipos que había clasificados, sabiamos que ía ser esixente. Temos uns emparellamentos complicados contra varios equipos que o ano pasado xogaron Champions, ademais de que tres dos catro desprazamentos serán longos”, valorou.
O técnico celeste lembrou “a dificultade” que tivo conseguir o billete para a competición europea, por iso pediu ao celtismo “gozar” de volver competir “contra equipos potentísimos de Europa”.
“Creo que temos a capacidade para competir contra calquera rival cando o equipo mostra o seu mellor nivel. Sería un erro marcarnos metas ou meternos unha presión que non nos toca porque levamos moitos anos sen competir en Europa”, subliñou.
