Giráldez: "A Real é un equipazo cun bo adestrador"
O preparador celeste considera que a Real Sociedade é un equipo “moi parecido” ao Athletic
Claudio Giráldez, adestrador do Celta, eloxiou este mércores o traballo que está a levar a cabo o estadounidense Pellegrino Matarazzo na Real Sociedade, o seu rival deste xoves en Anoeta.
“É un equipazo, cun bo adestrador, que lle deu un xiro a un traballo moi ben feito polo club en xeral. Sabemos que sempre é complicado xogar en Anoeta. O noso obxectivo agora é construír un equipo máis sólido do que vimos no último partido”, indicou en conferencia de prensa.
O preparador celeste considera que a Real Sociedade é un equipo “moi parecido” ao Athletic, co que perderon o pasado domingo en Balaídos, en canto “ao ritmo de xogo, á presión e a capacidade de correr en transición”.
