Galicia sae da nova normalidade e volve ao risco baixo
Mantense a ocupación hospitalaria, mentres os casos activos seguen aumentando
A incidencia en España aumenta ata os 58 casos por cada 100.000 habitantes
.png)
As comunidades autónomas notificaron este luns ao Ministerio de Sanidade 6.417 novos casos de covid–19, 725 deles diagnosticados durante a fin de semana.
A cifra total de contaxios en España elévase xa a 5.032.056 desde o inicio da pandemia, segundo as estatísticas oficiais. A incidencia acumulada nos últimos 14 días por 100.000 habitantes sitúase en 58,57, fronte a 53,77 o venres. Nas pasadas dúas semanas rexistrouse un total de 27.793 positivos.
No informe deste luns engadíronse 54 falecementos. Ata 87.558 persoas con proba diagnóstica positiva faleceron desde que o virus chegou a España, de acordo cos datos recollidos polo Ministerio. Na última semana faleceron 46 persoas con diagnóstico positivo confirmado en España.
Actualmente, hai 1.858 pacientes ingresados por COVID–19 en toda España (1.793 o venres) e 400 en UCI (386 o venres). Nas últimas 24 horas, producíronse 191 ingresos (217 o venres) e 89 altas (192 o venres). A taxa de ocupación de camas por coronavirus sitúase no 1,52 por cento (1,45 % o venres) e nas UCI no 4,41 por cento (4,23 % o venres).
Mentres tanto, a taxa de positividade sitúase no 3,22 por cento, fronte ao 2,79 por cento do venres. A Organización Mundial da Saúde (OMS) recomenda que este dato se atope por baixo do 5 por cento para considerar como controlada a propagación do virus.
