Galicia promociónase como destino sostible para recuperar a actividade turística

A Xunta e o Clúster de Turismo asinaron un acordo de 700.000 euros para promocionar produtos turísticos sostibles.

O convenio presentado este sábado enmárcase no Plan Director Galicia Destino Seguro, que establece os criterios estratéxicos para a recuperación da actividade tras a pandemia. Suporá un investimento de 200.000 euros para este ano e 500.000 para o 2022.

Entre as accións previstas, encóntrase a creación dun club do produto sostible, a elaboración dunha base de datos de empresas que traballan con este tipo de oferta e tamén as campañas de promoción en medios dixitais.