Galaxia celebra 75 anos de letras cun encontro literario en Fisterra

O 25 de xullo de 1950 celebrouse no hotel Compostela de Santiago a asemblea fundacional da Editorial Galaxia. Setenta e cinco anos despois, con máis de tres mil títulos publicados, segue sendo referente da edición en lingua galega.

Galaxia celebrou o seu aniversario e o seu compromiso coa cultura cun encontro literario no hotel Bela Fisterra. O acto contou coa participación dos escritores Fernando Castro Paredes e Samuel París, que presentaron cadanseu libro, O lanzador de coitelos e O tenro é o salvaxe.