O suposto agresor machista que rebentou un portal cun fouciño ingresa en prisión

Ingresa en prisión o home detido este xoves na rúa Quiroga Palacios de Santiago de Compostela como suposto autor dun delito de violencia machista.

Cun fouciño na man, presentouse no edificio en que vivía a súa exparella e rachou os cristais do portal. Cando se cansou, comezou a darlle patadas. Un veciño gravou a escena.

Varias testemuñas aseguran que portaba máis armas. Este sábado pasou a disposición xudicial. A xuíza de garda decretou o seu traslado ao cárcere.