Florentino Pérez non dimite, convoca eleccións e preséntase á reelección

Florentino Pérez convoca eleccións no Real Madrid e preséntase á reelección. Comenzou dicindo que non vai dimitir e falou do seu estado de saúde.

"Aproveito para que a xente que se preocupou por min saiba que sigo presidindo o Real Madrid e a miña empresa, que a miña saúde é perfecta, non podería estar nos dous sitios se a miña saúde non fose perfecta"

"Se eu tivese cancro como se dixo, tería que ir a un centro oncolóxico".

Pero por que me queren matar? Porque hai uns nenos que queren presentarse, pois que se presenten

A decisión do mandatario chega nun momento de gran crise no Real Madrid, que está a piques de pechar a súa tempada consecutiva sen ningún dos tres títulos importantes (Champions, Liga e Copa do Rei).

O pasado domingo, despediuse definitivamente da liga coa derrota no Camp Nou. Foi o final dunha semana horribilis na que transcendeu a grave pelexa entre Aurelien Tchouameni e Federico Valverde en dous días consecutivos. O incidente, alén da súa gravidade, xerou unha gran inestabilidade dentro da entidade ao filtrarse aos medios.

"Comparto a frustración, porque este ano non puidemos gañar nada. Pero teño que dicirlles e demostrarlles que comigo como presidente gañamos 66 títulos en fútbol e baloncesto, entre eles sete Copas de Europa de fútbol.

O Madrid recibe este xoves no Bernabéu ao Oviedo coa expectativa de coñecer o xuízo do estadio despois dunha campaña moi pobre en resultados e con cambio de adestrador en xaneiro.

Álvaro Arbeloa substituíu a Xabi Alonso, aínda que os resultados non melloraron e todo apunta a outra cara nova para o próximo curso. O nome de José Mourinho, non negado pola entidade nas últimas horas, colleu cada vez máis forza como posible substitución. Sería a súa segunda época no equipo branco, tras a etapa entre 2010 e 2013.