Dous feridos graves ao bater co coche contra o piar dunha ponte en Santiago

Dous homes quedaron feridos graves nun accidente de tráfico ocorrido pasadas as seis da tarde deste domingo nunha rotonda da circunvalación SC-20, en Santiago.

Por razóns aínda sen determinar, o coche foise da vía, bateu contra un dos piares da ponte de San Lázaro e saíu despedido uns 200 metros. 

Os bombeiros tiveron que excarcerar os seus dous ocupantes, duns trinta anos, que foron trasladados ao hospital clínico en estado grave.

Ata o lugar desprazouse tamén o persoal do 061 e axentes da Policía Local.