A Deputación de Ourense concédelle o premio Ourensanía 2025 ao oncólogo Rafael López

Rafael López é o xefe do servizo de oncoloxía do hospital clínico univeritario de Santiago, o CHUS, profesor da Universidade de Medicina e leva publicados máis de 150 ensaios clínicos sobre tumores sólidos en cancros de mama e dixestivos. O galardón recoñece os seus méritos profesionais pero tamén a súa fonda vinculación coa provincia ourensá. Rafael López naceu en Vilamartín de Valdeorras e ten 66 anos.  

A Deputación de Ourense concede desde o ano 2011 o premio Ourensanía para recoñecer a figura dunha persoa que destaca na súa faceta profesional, social ou intelectual.

A cerimonia de entrega celebrarase o próximo 10 de novembro no Teatro Principal de Ourense.