Felipe González ve que as dúas opcións "máis claras" de Sánchez son dimitir ou convocar eleccións

 O expresidente do Goberno Felipe González considerou que, tras a sentenza que condena a 24 anos de cárcere ao exsecretario de Organización do PSOE José Luis Ábalos, s dúas opcións "máis claras"para o presidente do Goberno, Pedro Sánchez, son dimitir ou convocar eleccións, para "que te ratifiquen ou te rectifiquen".

González lanzou esta mensaxe este martes nun coloquio no que tamén participou o presidente de Castela-A Mancha, Emiliano García-Page, con motivo da asemblea xeral da Federación de Empresarios de Toledo (Fedeto), onde sinalou que Ábalos e tamén o exsecretario de Organización Santos Cerdán son persoas de confianza de Pedro Sánchez "e, polo tanto, hai unha responsabilidade política evidente".

"Non fai falta que te empuxen. Hai un momento en que a responsabilidade política hai que asumila. Niso consiste a lideranza non mercenaria ou a lideranza que se fai cargo do estado de ánimo dos demais", sinalou o expresidente do Goberno.

Con todo, lembrou que el xa manifestou en ocasións anteriores que Sánchez tiña que ter convocado xa eleccións.