Feijóo sobre o conflito do transporte: "Estamos nunha situación límite"

O presidente da Xunta, Alberto Núñez Feijóo, fai un chamamento á responsabilidade das partes implicadas no paro do transporte, que está levando, di, a moitos sectores económicos galegos a unha situación límite.

"Estamos nunha situación límite. Pedimos ao Goberno que se entreviste coas plataformas que están creando o conflito e pedimos ás plataformas que non sigamos con este profundo conflito que está provocando danos enormes a persoas e entidades absolutamente inocentes. Pedimos, por tanto, que se poida traballar en Galicia con normalidade", defendeu Feijóo.

O presidente da Xunta asegura que este conflito está levando a Galicia a unha situación de "colapso".