Feijóo di que non coñecía o documento para a renovación do CXPX
Feijóo di que non coñecía o documento para a renovación do CXPX
O Goberno pídelle ao PP que non "busque máis escusas"
O presidente do PP, Alberto Núñez Feijóo, afirmou hoxe que non coñecía o documento que asinou a anterior dirección do PP co Goberno sobre a renovación do Consello Xeral do Poder Xudicial.
En declaracións aos medios en Porto do Son, Feijóo dixo que o ministro de Presidencia, Félix Bolaños, ameazou con filtrar o documento se non chegaban a un acordo para a renovación do órgano de goberno dos xuíces.
Dende o Executivo central, a ministra de Política Territorial e voceira do Goberno, Isabel Rodríguez, pediulle ao líder dos populares que non busque "máis escusas" para renovar o Consello Xeral do Poder Xudicial.
Rodríguez acusa o PP de "estar en rebeldía" e insta a Feijóo a "cumprir a Constitución".