Feijóo designa a Pérez Llorca como candidato á Presidencia da Generalitat Valenciana
Feijóo mantivo este martes unha conversa telefónica co secretario xeral do Partido Popular da Comunidade Valenciana
Pérez Llorca tomará a remuda de Carlos Mazón, que hai unha semana anunciou a súa dimisión
Mazón comparece na comisión da DINA de Valencia oito días despois de dimitir como presidente
O líder do PP, Alberto Núñez Feijóo, propuxo o secretario xeral do Partido Popular da Comunidade Valenciana, Juan Francisco Pérez Llorca, como candidato para substituír a Carlos Mazón á fronte da Presidencia da Generalitat.
Feijóo mantivo este martes "unha última conversa telefónica" con Pérez Llorca, en que lle comunicou a súa designación como candidato do PP á Presidencia da Generalitat de cara ao pleno de investidura que se convocará nos próximos días.
Faino "para dar estabilidade á Comunidade Valenciana o máis axiña posible", engadiron as mesmas fontes.
O secretario xeral do PP, Miguel Tellado, telefonou aos presidentes provinciais para comunicarlles a decisión da dirección nacional do partido. Unha decisión que contou co apoio unánime dos tres territorios, segundo fontes do PP.
