Fede Valverde acaba no hospital tras un enfrontamento con Tchouaméni

Fede Valverde e Aurelien Tchouaméni incrementaron este xoves o seu clima de tensión no vestiario do Real Madrid, a tres días do clásico ante o F. C. Barcelona, cunha discusión entre ambos que acabou co uruguaio no hospital, por, segundo dixeron fontes do club a EFE, un incidente fortuíto provocado por un esvarón en plena discusión.

Valverde, segundo capitán do equipo merengue, escorreu e golpeouse cunha mesa central do vestiario principal da Cidade Deportiva Real Madrid de Valdebebas. O futbolista acudiu ao hospital como parte do protocolo neste tipo de situacións e regresou ao seu domicilio.

Tras o ocorrido, o club investiga o incidente para tomar as medidas disciplinarias oportunas. Este foi o segundo encontrón en 24 horas entre ambos os futbolistas, que durante o adestramento do mércores encaráronse despois dun lance do xogo. Ambos se empuxaron e despois continuaron o enfrontamento no vestiario cunha forte discusión, avanzou o diario Marca.