Morre un home tras caerlle unha árbore en Valdoviño
Segundo informou un particular, un home sufrira un accidente cando estaba a cortar unha árbore
Logo de acudir ata o punto, nunha zona de difícil acceso, os servizos de emerxencias só puideron confirmar o falecemento da persoa
Unha persoa faleceu logo de caerlle unha árbore enriba en Valdoviño. O 112 Galicia recibiu o primeiro aviso por mor deste accidente arredor das 12:20 horas deste xoves. Segundo informou un particular, un home sufrira un accidente cando estaba a cortar unha árbore no Cameleiro, en Valdoviño.
🔴#AXEGAInforma dunha persoa que perdeu a vida logo de que lle caese unha árbore enriba en Valdoviño.
— 112 Galicia (@112Galicia) March 12, 2026
📍 Lugar do Cameleiro.
▶️ Estaba a cortar a árbore.
🔗 https://t.co/St5m1cvbgU pic.twitter.com/KW2RgTSJZY
Decontado, os xestores do 112 Galicia informaron ao Servizo de Urxencias Sanitarias de Galicia-061, ao GES de Mugardos, á Garda Civil e á Policía Local.
Logo de acudir ata o punto, nunha zona de difícil acceso, os servizos de emerxencias só puideron confirmar o falecemento da persoa, logo de que lle caera enriba a árbore que estaba cortando.
