Falece unha mariscadora en Porto do Son tras ser arrastrada por un golpe de mar
Pescadores que se atopaban pola zona conseguiron sacala da auga e trasladala nunha planadora ao porto máis próximo para que recibise asistencia médica, pero a muller xa falecera
Unha percebeira que traballaba na extracción do molusco entre o Castro de Baroña e o Farito, en Porto do Son, faleceu na mañá deste martes por un golpe de mar.
Segundo informou o CIAE 112 Galicia, o suceso tivo lugar minutos antes das dez da mañá. Pescadores que se atopaban pola zona conseguiron sacala da auga e trasladala nunha planadora ao porto máis próximo para que recibise asistencia médica. Con todo, a muller xa falecera.
Moitos dos recursos activados para o seu rescate foron, finalmente, anulados, xa que nada podía facerse para salvarlle a vida.
Con todo, os xestores do Centro Integrado de Atención ás Emerxencias de Galicia informaron a todos os organismos competentes, como Salvamento Marítimo, Servizo de Gardacostas de Galicia, Garda Civil, Policía Local e Urxencias Sanitarias de Galicia-061.
