Falece un traballador en Riotorto tras ser alcanzado por unha procesadora forestal
O accidente aconteceu nunha zona de difícil acceso situada no lugar da Ermida, en Espasande de Baixo
Un compañeiro da vítima alertou os servizos de emerxencia
Falece un traballador en Riotorto tras ser alcanzado por unha procesadora forestal.
A vítima, de 66 anos, era un madeirista que lles estaba axudando os operarios da súa propia empresa. Foron eles quen avisaron o 112 sobre as once e media da mañá, pero xa non se puido facer nada por lle salvar a vida.
Sobre as 11:30 horas, os xestores de emerxencias recibían a chamada dun particular alertando dun accidente laboral no Lugar da Ermida, en Espasande de Baixo, nunha zona de difícil acceso.
Segundo explicou, o seu compañeiro fora alcanzado pola procesadora forestal e, aínda que non estaba atrapado, sinalou que podería estar falecido.
🔴 #AXEGAInforma dun traballador que faleceu tras ser alcanzado por unha procesadora forestal en Riotorto.
— 112 Galicia (@112Galicia) September 4, 2025
📍 Lugar A Ermida, Espasande de Baixo.
➡️ Foi un compañeiro quen explicou ao #112Galicia que o operario fora alcanzado pola máquina.
🔗 https://t.co/CaTFCuSLCP pic.twitter.com/BVucq5c6CX
De inmediato, desde o 112 Galicia informouse os Bombeiros de Barreiros, ao GES da Pontenova, á Garda Civil, aos efectivos de Protección Civil e ao Servizo de Urxencias Sanitarias de Galicia-061. Á súa chegada os profesionais só puideron confirmar o falecemento do traballador.
