Falece un home tras ser rescatado inconsciente do río na Estrada
Uns bañistas lograron levar o home ata a beira
Os profesionais sanitarios só puideron confirmar o seu falecemento
Imaxe de arquivo
Un home faleceu este sábado tras quedar inconsciente na senda fluvial que conduce ao Xirimbao. O suceso ocorreu minutos antes das 19:30 horas, no concello da Estrada, preto da praia de Pontevea.
Uns bañistas lograron levar o home ata a beira, aínda que as dificultades do terreo impedían sacalo de alí.
Os propios particulares practicáronlle manobras de reanimación ata que chegaron os efectivos do GES da Estrada, que conseguiron sacalo da zona de difícil acceso.
Os profesionais sanitarios só puideron confirmar o seu falecemento.
No operativo interviñeron Urxencias Sanitarias de Galicia-061, a Garda Civil, o GES e o Servizo Municipal de Protección Civil da Estrada e de Teo, así como as Policías Locais de Teo e do municipio estradense.
