Falece un ciclista en Cangas tras sufrir unha caída na parroquia de Aldán

Un ciclista faleceu no concello de Cangas tras sufrir unha caída no quilómetro 4 de estrada EP-1002 no lugar de Erbello, na parroquia de Aldán.

Un particular avisou do accidente ao 112 sobre as 13:00 horas. O home permanecía inconsciente e necesitaba asistencia sanitaria urxente. O persoal médico do 061 que se desprazou ao lugar só puido confirmar a súa morte.

A Axencia Galega de Emerxencias tamén mobilizou un helicóptero medicalizado con base en Santiago, a Garda Civil de Tráfico, a Policía Local e o servizo municipal de Protección Civil.